Shillong, Rymphang 02: Ka Sorkar Meghalaya ha ka sngi Thohdieng, kala mynjur ban thaw ia ka State Human Development Council (SHDC) ban pyntreikam ia ka Multisectoral Project for Adolescent Wellbeing, Empowerment and Resilience (MPOWER) in the state.
Haba iakren bad ki lad pathai khubor hadien ka jingialang jong ka kynhun Myntri, u Symbud Myntri Rangbah Bah Prestone Tynsong ula ong ba ka SHDC kan dei kaba khlieh da u Myntri Rangbah ka Jylla Conrad K Sangma.
Ula ong ba u Chairman jong ka State Executive Level un dei u Chief Secretary ka Jylla katba ki Deputy Commissioner kin dei ki khlieh jong ki District Level Committee ban pyntreikam ia kane ka prokram ba thymmai jong ka Sorkar Jylla.
Ka MPOWER project ka tyrwa ia ka thup ki sienjam ba bun jait ki ban pynkhlain ia ka jinglah jong ka Jylla Meghalaya ban pynkupbor ia ki samla lud kynthei bad shynrang kiba don hapdeng 10 haduh 19 snem.
Kane ka prokram ba bun jait kan pynkhlain ia ka jingtbit treikam ki briew bad kyrshan ia ka jingkylla naduh na ki skul sha ka rta ba ki lah ban trei kam.
Ka thong jong kane ka projrect ka long ban kyntiew ia ka longbriew man briew bad pynkupbor ia ki samla lud nalor ban pynkhlain ia ka jingtbit treikam jong ki khnang ba kin lah ban synniang pura sha ka jingkiew ka ioh ka kot jong ka Jylla.
U Bah Prestone ula ong ba kine ki sienjam bala shim da ka Sorkar Jylla kan pynleit jingmut khamtam eh sha ki nongshong shnong kiba ha ka rta 0-9 snem kaba ka jingtei ia ka jabieng ka dang iaid bha.
 ban pyntreikam ia ka Multisectoral Project for Adolescent Wellbeing, Empowerment and Resilience (MPOWER) in the state.){kind=link}