Shillong, Rymphang 02 : Ka Kynhun Myntri hynne ka sngi Thohdieng kala mynjur ia ka Amendent jong ka Meghalaya Telecom Infrastructure Policy (MTIP).
Haba iakren bad ki nongthoh khubor, u Symbud Myntri Rangbah ka Jylla Bah Prestone Tynsong ulaong ba kane ka Policy ka dei kaba la don naduh u snem 2018.
Hynrei, ka Sorkar Jylla kala hap ban wanrah ia ki katto katne ki jingkylla bad ki jingbynrap kiba iahap bad ka National Policy jong ka Sorkar India.
“Kumta, ka Kynhun Myntri mynta ka sngi kala mynjur ia kane ka jingtyrwa ban pynkylla ia ki katto katne ki kyndon jong ka MTIP” ula ong.
U Bah Prestone u pyntip ba ka Kynhun Myntri kala ai jingmynjur ruh ia ka Meghalaya Forest Subordinate Technical Service Rules, 2024.
.){kind=link}