Rymphang 01: Ka Hynniewtrep Border Disputes Redressal Forum (HBDRF) ha ka sngi Palei kala dawa ia ka Sorkar Jylla ba kam dei ban iasoi ia kano kano ka soskular lada ka Sorkar Assam ka kyntait ban pynphai ia ka Block-I sha Meghalaya.
Ha ka shithi sha u Symbud Myntri Rangbah ka Tnad Pynroi Sor bad Chairman ka Regional Committee ka West Jaintia Hills Bah Sniawbhalang Dhar, u Chairman ka HBDRF Bah C Sungoh ulaong “Lada ka Sorkar Assam kam mynjur ban pynphai pat ia ka Block-I sha Meghalaya, u Myntri Rangbah ka Jylla Meghalaya um dei ban iasoi ia kano kano ka soskular ne MoU”.
Ula ong ba ka Forum ka ai jingmut ruh ba ka Regional Committee kam dei ban pynkut ia ka jingleit jurip tang ha ka thain Khanduli, Mukroh bad Psiar jong ka Meghalaya bad sha Hamren Jrikyndeng ba don sha ka liang ka Assam hynrei ban buddien ruh ia ka kaiphod jingia jurip lang jong ki District Council ha u snem 1958.
U Bah Sungoh u ong ruh ba ka Forum ka dawa ba ia ka kaiphod jong ka Regional Committee dei ban wanrah hapoh ka Iingdorbar Thaw Ain ka Jylla ban iatai.
U pyntip ba ha u bnai Risaw 2023, ka Forum kala pynlong ia ka jingialang bad ki Khlieh Nongsynshar lem bad ki nongialam Sengbhalang ha kaba la mynjur ban pyrshah ia ka jingpynbna ba pynmih ha ka 13 tarik Iaiong, 1951 namar ia kane ka jingpynbna la pynmih khlem ka public hearing bad khlem ka jingtip ne jingbit jong ki nongshongshnong jong ki shnong ka Labang Nongphyllut Dalloiship (Block-I) bad u Dalloi ka Elaka Raloang, Elaka Chilliangmyntang bad Elaka Nongjngi.
U Bah Sungoh u ong ba ia kane ka jingpynbna la pynmih bakla da ka Sorkar Assam kaba pyniaphiah jubor ia ka Nongphyllut Dalloiship (Block-I) n aka Jowai Civil Sub Division bad ban pynrung sha ka United Cachar & Mikir Hills ha ka jaka ban pynneh hapoh ka United Khasi & Jaintia Hills District Councils jong ka Jylla Meghalaya.
 ha ka sngi Palei kala dawa ia ka Sorkar Jylla ba kam dei ban iasoi ia kano kano ka soskular lada ka Sorkar Assam ka kyntait ban pynphai ia ka Block-I sha Meghalaya.){kind=link}