Shillong, K’Lyngkot 29: Ka Khasi Student Union (KSU) hynne ka sngi Nyngkong, kala kyntu ia u Myntri ka tnat Pule Puthi Rakkak A Sangma ban tuklar lem halor ka jingshah pynpra ka skul Khliehumwang Lower Primary School haki Pulit ka Jylla Assam.
Haba kren sha ki lad pathai khubor, u President ka KSU North Khasi Border Area samla Banjop Maring ula iathuh ba ia ka skul Khliehumwang Lower Primary School la pynpra daki Pulit ka Jylla ha u snem 2018 bad haduh mynta naka liang ka Sorkar Meghalaya ka khlem pat leh eiei ban maramot ne shna thymmai ia kane ka skul.
U samla Banjop ula iathuh ba haki snem bala dep ka KSU kala dep ban kynduh ia u Myntri ka tnat pule barim ka Sorkar Jylla bad kumjuh ruh iaki bor district ka Ri-bhoi hynrei ka Sorkar ka khlem lah ban leh eiei.
Ula iathuh ba ka Sorkar Jylla haki snem bala dep kala pyntip ba kala bthah iaki bor district ka Ri-bhoi ban pynbeit halor ka jingshah pynpra kane ka Iingskul hynrei “Haduh mynta mynne ka skul Khliehumwang Lower Primary School ka dang sah kumjuh”.
Ula ong ba dei namar kane, ka seng kala wan kynduh biang mynta ia u Myntri ban kyntu ba un shimkhia noh mar mar ha ka ban maramot ne ban mang tyngka thymmai ia kane ka skul.
Une u Nongialam ka KSU ula iathuh ba haka jingshisha ia ka skul Khliehumwang Lower Primary School la dep ban mang T.19, 97,500 ha u snem 20218 bad kala don ruh ka jingsdang ban pynieng paia hynrei ki Pulit Assam kila wan ban pynpra noh ha ka 10 tarik Nailar 2018.
Haba kylli u samla Banjop ula iathuh ba u Myntri ka tnat Pule ula phone ia u DC ka Ri-bhoi bad la bthah ia u DC ba un shim khia mardor ban maramot biang ia kane ka skul kaba dei ruh ka skul bala seng daki riew shimet.
 hynne ka sngi Nyngkong, kala kyntu ia u Myntri ka tnat Pule Puthi Rakkak A Sangma ban tuklar lem halor ka jingshah pynpra ka skul Khliehumwang Lower Primary School haki Pulit ka Jylla Assam.){kind=link}