Shillong Kyllalyngkot 26: U Myntri Rangbah ka jylla u Conrad Sangma hynne ka sngi Thohdieng, ula pynher ia ka lama jong ka ri ha ka iingsah ka jongu kaba don ha Tura kum shi bynta jong ka jingrakhe iaka Republic Day kaba 75 jongka ri.
Ha kane ka jingpynher ia ka lama jong ka ri la wan ban iasnohkti lang da ki nongtrei bad kiwei kiwei ha katei ka jingrakhe.
U Myntri Rangbah ula kyntu ia baroh ban kymaw ia ka jinglong kordor jong ka Republic bad ban iashimbynta shitrhem ha kaban bat iaka nongrim jongka lama ka ri bad ula ai khublei ruh ia baroh ki nongshong shnong ha ka ri ha kane ka sngi kaba kyrpang.
U Myntri Rangbah ula pynpaw haka X, ba ula pynher ia ka lama jongka ri ha ka iingsah ka jongu ha Tura ha ka jingrakhe iaka Republic Day bad baroh ki nongtrei. Ula ong, ba dei ban iada ia ki rong jong ka Lama ka Ri bad ban rakhe da ka mynsiem jong ka jingkmen bad ula ai khublei Republic Day kaba suk bakmen ia baroh.
Unfurled the #NationalFlag at my residence in Tura on the occasion of #RepublicDay2024 with all the staff. Let us defend the colours of the National Flag and celebrate the spirit of a republic nation! Wishing everyone a happy 75th Republic Day! pic.twitter.com/P5pZc03aFU
— Conrad K Sangma (@SangmaConrad) January 26, 2024
Ka ri India kala rakhe iaka 75th Republic Day (Gantantra Diwas) ha ka sngi Thohdieng bad man la u snem ki nongshong shnong ha kylleng jong ka ri ki ia wanlang hajuh ban rakhe ia kane ka sngi kaba khraw da ka jingkmen hynrei ka jingshongkun jongka jingrakhe kaba khring hi ia baroh kadei ka jingpyninam ki shipai bad ia ki kolshor jong ki jaidbynriew ki bapher bapher hapoh ka ri.
Kane ka sngi kadei ka jingpynsah jingkynmaw iaka jingmynjur iaka Constitution ka India ha ka 26 tarik u Kyllalyngkot 1950. Watla ka India kala ioh iaka jnglaitluid na ka jingsynshar ki Phareng ha ka u snem 1947, hynrei kadei ha ka khyllipmat jong u snem 1950 ba la wanrah iaka riti synshar ka ri.
