Guwahati, K’lyngkot 19 : Ki Pulit ka Assam kila register ia ka ejahar bala mudui pyrshah ia ka ‘Bharat Jodo Nyay Yatra’ bad ia u Chief Organiser KB Byju halor ka jingkynnoh ba ki kylliang ia ka jaka iaid bala ai jingbit ha sor Jorhat myn ha ka 18 tarik.
Kane ka rally kala khun sha sor Jorhat ha ka jaka ban iaid beit sha ka KB Road bala ai jingbit bad kala ktah jur ia ka iaid ka ieng ki paidbah ha ka thain.
Ka ejahar ka kdew ba ka Yatra kam shym la bud ia ki kyndon bala buh da ka bor District bad kala pynkhein ruh ia ki kyndon jingshngain haba iaid ha surok.
Ka rally hapoh Assam kan bteng haduh ka 25 tarik Kyllalyngkot bad kan iaid kumba 833 Km ha ki 17 tylli ki District.
Ia kane ka Yatra bala ialam da u MP ka Congress, kala sdang na Manipur ha ka 14 tarik Kyllalyngkot bad kan kut ha ka 20 tarik Lber ha Mumbai.
Shuwa kane, u Nongialam ka Congress Rahul Gandhi lem bad ki nongkitkam ka party kila hiar sha Majuli, ka dewlynnong ba bun eh ki nongshongshnong ha ka pyrthei.
