Tura, K’lyngkot 18 : Ka East Khasi Hills (EKH) sa shisien kala khung lut ia baroh lai tylli ki takma ksiar ha ka jingialehkai Taekwondo kaba long hynne ka janmiet sngi Palei ha Montfort Centre.
Ha ka jingiakhun ba nyngkong jong ka junior girls’ Kyorugi, under 46 kg, ka heprit Ibapyhnun Kharmyndai jong ka EKH kala pynliem ia ka Joynilla Ch Sangma jong ka South West Garo Hills’ (SWGH), katba ka Nokgrikchi G Momin bad Jheanchim B Marak kila iasam lang ia ka rnong.
Ha ka the junior girls’ kyorugi (under 42 kgs), ka heprit Dayalanki Challan ka EKH kala pynliem ia ka Sritee Kumari jong ka West Jaintia Hills ban ioh ia ka takma ksiar katba ka Aurialla Wasabi K Marak bad Jaksal Arimchi T Sangma kila ioh ia ka takma rnong.
Ka jingialehkai ba khatduh jong ka sngi, ka junior boy’s Kyorugi (under 45 kgs) la jop da u Ravi Kumar Rai jong ka EKH. Ula pynliem ia u Areyo M Sangma jong ka East Garo Hills ban ioh ia ka takma ksiar katba u Kreangbeth A Sangma (WGH) bad Samir Chetri kila iasam ia ka takma rnong.
