Guwahati, K’lyngkot 17 : U Myntri Rangbah ka Assam Himanta Biswa Sarma ula kynthoh ba yn ym don mano mano ruh ki ban leit sha ka jingialang jong ka congress lait noh tang kawei ka Jaidbynriew bad kita ki dei ki Mia.
Haba iakren bad ki nongthoh khubor ha Guwahati, u Himanta ula ong “Yn ym don mano manor uh ki ban leit sha ka jing ialang ka Congress namar ki sngew lehrain ban leit lait noh tang ki Miya Muslim. Hynrei mynta kine ruh kila pyni ba kim kwah than ban leit sha ka jingialang ba pynlong da ka congresss. Mynta, kila ioh ia ki jingmyntoi kum ki ration card, ayushman card bad kiwei kiwei. Ki kynthei kila sngewthuh ba kin ym ioh eiei satia na ka congress”.
“Ngi ong da kaba shai ba ngim kwah ia ki vote na ki Miya muslim. Hynrei mynta, kim shym la leit sha ka jingialang ka Congress namar ki (miya muslim) la ioh ia ki skhim jingmyntoi. Ki Thei Muslim kila wan sha ki jingialang jong ngi bad kyrshan ia ki. Khamtam eh, ki Kynthei Miya Muslim kila sdang long ki vote jong ngi” ong u Himanta.
U Himanta ula pyntip ba ula pynsangeh lut ia baroh ki prokram kiba la buh ha Upper Assam ha ka 18 bad 19 tarik khnang ban lait na ka jingiatakhuh ba ka rally Bharat Jodo Nyay Yatra jong ka Congress ha kitei ki thain.
U Himanta ula pynjlan ruh ia ka jingialang ha Majuli ban iaid lait na ka jingiatakhuh bad ka rally ka Congress bad kumjuh ruh ula pynsangeh noh ia ka prokram sam ration card ha Jorhat bad Dergaon.
