Shillong, K’lyngkot 12: Ka University Grants Commission (UGC) kala weng noh ia ka Techno Global University (TGU), kaba don ha Shillong Polytechnic Campus, Mawlai na ka thup jong ki University.
Ka TGU kala rung ha ka thup jong ka University bala ithuh da ka UGC ha u Kyllalyngkot 2013.
Ha ka website ka skulbah, ka TGU kala ong “Ka Techno Global University, Shillong, kam pat ju sdang ia ki kam ai jinghi kai naduh ba plie ia ka. Ngim pat ju ai mark-sheet, certificate ne degree iano iano ruh. Ngim pat ju aibor ruh ia kino kino ki briew ne ki skulbah ban trei na ka bynta jong ngi”.
“Namar kane, ka kyrteng jong ka Techno Global University, Shillong, Meghalaya la weng noh na ka thup ki skulbah ka UGC” ong ka UGC ha ka public notice bala pynmih ha ka 27 tarik Nohprah, 2023.
Ia kane ka rai la pynshong nongrim ruh kat kum ka jingai jingmut jong ka Tnad Pule Puthi ka Sorkar Meghalaya.
“Hynrei, ka Tnad Pule Puthi ka Sorkar Meghalaya lyngba ka shithi No. EDN.136/2008/669 dated 27.09.2022 kala ai jingmut ban weng ia ka kyrteng jong ka University na ka thup ki University ka UGC naba kane ka University kam don satia” ong ka notice.
