Shillong, Kyllalyngkot 11: Ban pynthikna ba kan don ka jingshngain bad ba ka Umiam Stage-I Dam kan treikam bha, u Myntri ka tnad Bording u Abu Taher Mondal, hynne ka sngi Palei, ula leit jurip iaka jingpyntreikam iaka Dam Rehabilitation and Improvement Project (DRIP) hapoh ka jingkieng Damsite.
Ia u Myntri la synran da u Sanjay Goyal uba long u Commissioner & Secretary ka sorkar jylla uba khmih iaka tnad Bording bad Chairman-cum-Managing Director ka MeECL, ryngkat bad u Bah Moonstar Shangpliang, Director Distribution bad i/c Director (Generation) lem bad kiwei kiwei ki heh ophisar jong ka Ri-Bhoi District.
Kane ka jingleit jurip iaka Umiam Stage-I Dam, khamtam ia ki ar tylli ki jingkieng ka long ban peit iaka jingiaid ka kam ka jam jong ka DRIP bad ha kane ka jingjurip katei ka kynhun kala iakren bad iatai sani bad ki nongmihkhmat jongka M/S ITD Cementation India Ltd ban pynthikna ba ka jingpyntrei ka jongki ia ka kam ka dei ban long katkum ki kyndon kiba la buh.
“Ka Umiam Stage-I Dam kam dei eh tang ka jingtei kaba dei da ki maw bad ka nar hynrei kadei ka jingim kaba ai bording ia ki iingki sem, ki karkhana bad ka jingiaid shaphrang jong ka jylla. Ka long kaba sngewtynnad ban iohi iaka jingtrei shitom jong baroh ha ka jingpyntreikam iaka Dam Rehabilitation and Improvement Project (DRIP). Ka jingiatreilang hapdeng ka sorkar bad ki paralok na ki kompani bad ka jingtrei borbah hapoh madan ka long kaba dei ban ai ka jingiaroh. Nga ngeit skhem da ka jingiatrei lang ka jong ngi, ngin ym pynthikna tang ia ka jingshngain jong ka Dam hynrei kan long ruh ka jingplie lynti na ka bynta ka lawei bad ka jylla kaba pahuh pahai haka bording ha ki snem ban wan” ong u Mondal.
Kawei kaba la mih na kane ka jingleit jurip ka long ka jingshim ia ka rai ban bujli noh iaka Roller Rocker Bearings, kaba la rim bha bad kaba long kongsan na ka bynta ban pynneh pynsah ia ka jingkieng.
Ia katei ka bynta la bynshet ha ka ITD Cementation bad M/S Sanrachana Structural Strengthening Pvt. Ltd., ha kaba la ai ia ka jingbthah ba kidei ban iatreilang bad ba kin bud ryntih ia ka engineering standards bad ban pynthikna ban pynduna iak ajingdheng kali ha katei ka thaiñ.
U Mondal ula bthah ia ki bor pyniaid districr ba kin pynbun ia ki briew ha shi linter jong katei ka surok kiba hap hapoh ka East Khasi Hills Districts bad Ri-Bhoi District bad kane ka jingbthah ka long ban peit ba kan don ka jingiaid beit iaid ryntih ki kali bad ban shim ia ki lad jingiada.
 hapoh ka jingkieng Damsite.){kind=link}