Nongstoin, K’lyngkot 06: Uwei u Rangbah bala 40 snem ka rta, ula iap hadien ka jingmynsaw kaba jur na ka jingshah shoh hala u jong u bahaiing uba don ka jingduna ha ka bor pyrkhat pyrdain.
Kane ka jingjia kala jia hynne ka janmiet sngi Thohdieng ha ka Shnong Nongdaju, West Khasi Hills bad une u rangbah uba khlad u kyrteng u Bah Calumbus Wahlang ba na Nongdaju.
Ki Pulit ki iathuh ba ia kane ka jingjia la pyntip da u Sardar Shnong ka Nongdaju uba la ai da ka ejahar. La iathuh ba kane kala jia ha ka por 5:30 baje bad une u briew ba don jingduna ka bor pyrkhat, ula shoh ia une u bahaiing lajong haduh ba ula mynsaw jur bha haduh bala pynkut mar mar sha Riangdo CHC. Hynrei hadien u Bah Columbud ula khlad noh ha kane ka jaka sumar.
Ki Pulit kila register case halor kane ka jingjia bad ka jingtohkit mynta kala shakhmat.
