Shillong, K’Lyngkot 05: U Myntri ka tnat Arts and Culture ka Sorkar Jylla u Bah Paul Lyngdoh haka jingdon lang ka Deputy Commissioner (DC) ka East Khasi Hills ka Kong R.M Kurbah ula plie iaka jingdro (Mural) bala dro haka Building jong ka Ophis treikam DC.
Ia kane ka jingdro (Mural) la pynwandur da u samla Mario Pathaw haka jingiatreilang bad ka START India Foundation bad ka Asian Paints.
Ha kane ka jingdro, la pynwandur ban pyninam iaka jinglong tynrai ki nongshongshnong bad jinglong kyrpang ka mei mariang jong ka Jylla Meghalaya.
Haba ai jingkren, u Bah Paul ula ong ba kum kane ka jingdro ka long ka nuksa ia baroh ki samla ka Jylla ban sei iala ki sap haka jingdro ban pynitynnad iaka sor Shillong.
U Bah Paul ula ong ba kum kine ki jait jingdro haki kynroh kin nang khring shuh shuh iaki nongwan shangkai suwari ban sakhi da lade iaka sap ki samla.
Ula iaroh ia u samla Mario uba la pynwandur iaka jingdro daka ba ong ba, baroh ki jait jingdro ki don ka khana ban iathuh shaki paidbah.
