Shillong, Nohprah 20 : U Myntri Rangbah ka Jylla Conrad K Sangma ha ka sngi Balang, ula plie paidbah ia ka 2×50 MVA, 132/33 KV Grid Substation ha Phulbari, West Garo Hills District.
Kiba la iadonlang ha kane ka sngi ki kynthup ia ka MP ka Tura ka Agatha K Sangma, u Myntri ka Tnad Bording Abu Taher Mondal, u Myntri ka PHE Marcuise N Marak, u Myntri kam ialehkai Bah Shakliar Warjri bad ki Nongmihkhmat jong ka Meghalaya Power Transmission Corporation Limited, MPTCL.
Happy to inaugurate the much-awaited Phulbari Grid Sub Station at Chibinang, West Garo Hills District under the NERPSIP Scheme.
The people of plain belt areas of the district have suffered for many years due to insufficient electricity and low voltage issues especially during… pic.twitter.com/sbhGEIxTFD
— Conrad K Sangma (@SangmaConrad) December 20, 2023
Haba kren ha ka jingialang, u Conrad ula ong “Mynta ka sngi ka dei ka sngi sah jingkynmaw ia ka thain da ka jingplie paod bah ia kane ka project kam pynroi kaba kongsan bha. Ka jingwanrah ia ka substation bah eh duh ha ka thain kan wanrah ia shibun ki jingkylla. Ha ki snem bala leit noh, wat hapdeng ka jingioh bording, ngi ju mad ia ka jingeh ba rit palat ka voltage hynrei da ka jingplie ia kane ka substation ba thymmai, ka thain jong ngi kan ioh ia ka voltage kaba long kumjuh bad kiwei ki thain ka Jylla”.
Haba ai jingkren, u Abu Taher Mondal ula kdew ia ka jinglong kongsan jong kane ka substation ba thymmai bad ong “Da ka jingplie ia kane ka substation, ngin sa lah ban pyndap ia ka jingdawa bording jong ka West Garo Hills khlem kano kano ka jingthut shuh. Kane ka dei ka jingai sakhi ia ka jingkut jingmut jong ka Sorkar ban wanrah jingkylla ha ka jingsam bording hapoh ka thain”.
Ha kane kajuh ka sngi, u Myntri Rangbah ula buh mawnongrim ruh ban tei ia ka Indoor Stadium ha JP Higher Secondary School, Bholarbhita, West Garo Hills.
Haba pynpaw ia ka jingsngewnguh, u Myntri Rangbah ula ai khublei ia u Myntri kam ialehkai ba lah ban pynioh haduh T.9 klur ban tei ia ka gallery bad ka madan phlang plastic (artificial turf), kaban synniang shibun ia ka jingroi ki kam ialehkai hapoh ka thain.
