Shillong, Nohprah 20: U Myntri Rangbah ka jylla u Conrad Sangma dang shen ula leit jurip ia ka jingtei ia ka jingkieng kaba jrong tam kaba iaid lyngba ka wah Brahmaputra kaba pyniasoh ia ka Dhubri, Assam bad ka Phulbari ha Meghalaya.
Kane ka project kan iarap ha kaban pynduna shibun ia ka leit ka wan hapdeng ka Phulbari bad ka Dhubri bad kane ka kyntiew ia ka ioh ka kot jong baroh artlli ki jylla.
U Myntri Rangbah ula pynpaw ia ka jingkyrmen kaba skhem ban pyndep ha ka por kaba la buh ia kane ka projek kaban wanrah ia ka jingkylla ha kaban kyntiew ia ka leit ka wan ha ka thai bad ban kyntiew ia ka ioh ka kot.
Haba pynpaw ha X, u Myntri Rangbah ula thoh, “Nga la jurip ia ka jingiaid shakhmat ia ka jingtei ia ka jingkieng kaba jrong tam kaba pyniasoh ia ka Dhubri, Assam bad ka Phulbari ha Meghalaya halor jongka wah bah Brahmaputra. Kane ka jingkieng kan pynduna ia ka por ha ka leit ka wan na Phulbari sha Dhubri bad kane kan wanrah ia ka jingkyntiew kaba khraw ha ka ioh ka kot hapdeng kine ki artylli ki jylla. Nga kwah ban iohi noh ban pyndep ia kane ka jingkieng.”
U Myntri Rangbah ula phah lang ia kane sha ka Social Media Account jong u Myntri Rangbahduh ka ri u Narendra Modi, u Myntri ka Sorkar Pdeng u Nitin Gadkari, JICA Media bad u G Kishan Reddy.
Inspected the ongoing construction of the longest bridge connecting Dhubri in Assam to Phulbari in Meghalaya over the mighty Brahmaputra river. This bridge will minimize traveling time from Phulbari to Dhubri and will be a huge economic boon bridging the two states. Look forward… pic.twitter.com/i8QJBUhUTZ
— Conrad K Sangma (@SangmaConrad) December 20, 2023
