Kular ban iarap pynkylla ia ka NST kum ka Administrative City
Shillong, Nohprah 14 : U Myntri Rangbah duh ka Ri Narendra Modi ula kular ban ai ka jingkyrshan kat kaba lah ia ka Sorkar Meghalaya ba kan kynjoh sha ka thong ba ka buh ba kynthup ia ka jingpynkynriah ia baroh ki Ophis treikam bad ka Secretariat sha New Shillong Township ha kine ki san snem ban wan.
Called on Hon’ble Prime Minister, Shri @narendramodi ji in New Delhi. Expressed our gratitude for his unrelenting support to Meghalaya’s growth and sought his continued support to our mission for the State. pic.twitter.com/ah0XnURooe
— Conrad K Sangma (@SangmaConrad) December 14, 2023
Haba pyntip ia kane hadien ka jingialang bad u Modi ha New Delhi hynne ka sngi Palei, u Myntri Rangbah ka Jylla Conrad K Sangma ula pyntip ba ula batai ia u Myntri Rangbah Duh halor ki kam pynroi kaba bniah bha bad ka jingiaid jong ki prokram bapher bapher ka Sorkar ha Jylla.
“Nga la aiti ruh ia ka kaiphod kaba bniah bad nga la ai ka jingbatai ha u bad ula kmen bha ban iohi ia ki kam bapher bapher kiba la mih hapoh ka Jylla bad ula kmen eh ban iohi ba ka mang tyngka sha ka roi ka par jong ka Jylla ha kine ki san snem kala kiew da palat arshah, kaba la jan kynjah ia ka lai shah na kaba ju long ha ki 5-6 snem mynshuwa” ula ong.
Haba pyntip ruh ia ka jingioh jngai jong ka Jylla bad ki thong bapher bapher bala buh ban kynjoh ha kine ki san snem ban wan, u Conrad ula ong “Nga la kyntu ban tuklar bad kyrshan ia ngi, pyni lynti lem bad ai jingkyrshan ban gin lah ban kynjoh sha kitei ki thong kiba ngi la buh ha kine ki san snem ban wan”.
“Nga la iathuh ruh ha u ia ka jingkwah ban pynkylla noh ia ka New Shillong Township kum ka Administrative City ba thymmai bad batai ruh ia ki plan bad ki jingpynwan dur haba pan ia ka jingkyrshan jong u ban pynthikna ba ka project kan iaid shakhmat. Ula kmen bha ban iohi ia kine ki kam pynroi bad ula kular ban ai ka jingkyrshan kat kaba lah n aka liang jong u” ula bynrap.
Ha kajuh ka por, u Myntri Rangbah ula iakynduh ruh ia ka Myntri ka pla tyngka ka Sorkar Pdeng Nirmala Sitharaman bad kyrpad ia u ban pynkiew noh ia ka bhah bad nang ai shuh shuh ia ki Externallu Aided Project (EAP) (project ba bei pisa nabar ka Ri) sha Meghalaya da kaba pynshong nongrim ia ka jinglah pyntreikam bha ia ki kam.
Pleased to meet Hon’ble Union Finance Minister, Smti. @nsitharaman ji to thank her for her support to our State and requested her continued support in pursuing our efforts for Meghalaya’s growth and progress. pic.twitter.com/luIrbGdT2n
— Conrad K Sangma (@SangmaConrad) December 14, 2023
“Sa shisien, nga la batai ia ka halor ki project bapher bapher kila iaid mynta lyngba ka Capital Investment Fund (CIF) baka Sorkar India kala ai sha ki Jylla bad lyngba ki EAP ba ngi pyntrei bad ruh ki kam pynroi bapher bapher kiba iaid ha Jylla” ula ong.
U Myntri Rangbah u pyntip ba ka Myntri pla tyngka kala ai ka jubab kaba sngewtynnad bad kala kular ia ngi ba kan iarap bad kyrshan nalor ban ai ka jingmynjur ban pynkiew ia ka bhah jong ka EAP.
“Ngi phaikhmat ia ka jingkyrshan jong ki na ka Finance Ministry bad na u Myntri Rangbah Duh khnang ba ngin lah ban kynjoh ia ka thong bapher bapher kaba ngi la buh na ka bynta ka Jylla Meghalaya” ula bynrap.
