Shillong, Nohprah 14: Ka Hospital NEIGRIHMS hynne ka sngi Palei, kala plie paidbah iaka Catheterization Laboratory, ka ban pyndonkam ban sumar iaki ba pang klongsnam.
Ia kane ka Catheterization Laboratory la plie da u Director ka NEIGRIHMS u Prof. (Dr.) Nalin Mehta lyngba ka jingkyrshan daka tnat ka koit ka khiah ka Sorkar Pdeng bad ha kane ka sngi la don lang u Prof Animesh Mishra, HoD Cardiology, u Prof Manish Kapoor bad Dr Amit Malviya lem bad ki para nongtrei jong katei ka Hospital.
Ka Cathlab Laboratory ka ai ka jingmyntoi ban leh 3D Electrophysiological Mapping naka bynta ban lap bniah halor ka jinglong jingman u klongsnam hashuwa ban ai jingsumar.
Ka tnat Cardiology lyngba ka jingkyrshan u Director NEIGRIHMS ka ialeh katba lah ban wanrah ki lad jingsuk iaki nong pang ban ioh ki lad jingsumar haka dor kaba biang.
Haka Catheterization Laboratory don ka Optical Coherence Tomography, IVUS, FFR, Rotablation naka bynta ban eksamin bha ia u klongsnam khnang ba ki Doctor kin tip bniah kum ban sdang iaki jingsumar.
