Shillong, Nohprah 07 : U Myntri bording ka Jylla Abu Taher Mondal ha ka sngi Palei, ula leit jngoh ia ka Pump Storage Programme ha Puralia (PPSP), West Bengal, ka project pynmih bording ba 4×225 MW bala plie naduh u 2007.
Ia u Mondal la synran da u Sanjay Goyal, Commissioner & Secretary ka Tnad bording ka Jylla bad u Subhasankar Debsarma Biswas, Director (Generation) ka West Bengal State Electricity Distributor Company Limited (WBSEDEL) uba la ai ka jingbatai ba bniah halor ka rukom treikam jong ka project.
Ka jingleit jngoh jong u Myntri ia ka PPSP ha West Bengal ka long ban peit thuh ia ka rukom treikam jong ka bad ban lah pyntreikam lang ha Jylla khnang ban tem ia ka jingeh jong ka Jylla ha ka jingduna bording.
U Mondal ula ong “Ka jingleit jngoh ia ka Purulia Pump Storage Project (PPSP) ka dei kaba ai shibun ki jingnang jingtip. Kane ka dei ka pump storage project ba nyngkong eh ha India ba pynmih 900MW. Haba khmih ia ka jingdawa bording hapoh ka Jylla jong ngi, ngi thrang ban wad ia ki lad ki lynti ban lah pynkhlain ia ki jingtei kiban pynmih bording hapoh ka Jylla”.
