Aizawl, Nohprah 05: Ha ka sien ba nyngkong eh, laingut ki kyrtong Kynthei ka Mizoram kila thaw histori ha ka sngi nyngkong da ka jingjop ia ka elekshon nala ki jong ki constituency ba ki iakhun.
Kine ki MLA kynthei ki kynthup ia ka kyrtong ka Zoram People’s Movement (ZMP) Lalrinpuii kaba jop na Lunglei East constituency bad ka nongpule khubor TV kaba dei hi n aka ZPM ka Baryl Vanneihsangi kaba jop na Aizawi South-3 bad ka kyrtong ka Mizo National Front (MNF) Pravo Chakma kaba jop na West Tuipui seat.
Ka Lalrinpuii bad Chakma kila pynliem ia ki kyrtong shynrang ka Congress katba ka Baryl Vanneihsangi kala pynliem ia u kyrtong ka MNF.
Ha ka elekshon ba long myn ha ka 7 tarik Naiwieng, haduh 174 ngut ki kyrtong kynthup ia 16 ngut ki kynthei kila iamih ban iakhun. Ha ka elekshon 2018, haduh 209 ngut ki kyrtong kila mih ba kynthup ia 18 ngut ki kynthei katba ha ka elekshon 2013, ki don 136 ngut ki kyrtong ba iakhun ba kynthup ia 6 ngut ki kynthei.
Ha ka elekshon 2018 bad 2013, ym shim la don kawei ruh ka kyrtong kynthei ban jop.
