New Delhi, Nohprah 03: Ha ka jingjia kaba sngewtriem, 4 ngut ki nong Manipur kynthup ia arngut ki kynthei, kila shah shoh dusmon ha ka kynhun ki briew bym lah ban ithuh ha Sunlight Colony kaba don ha Southeast Delhi.
Kat kum ka khubor, kane ka jingjia kala jia ha ka miet sngi Thohdieng. Ka video jong kane ka jingjia bala ioh ring da ki camera jong kawei ka balcony, kala saphriang ha kylleng hapoh ki rynsan social media.
Kat kum kane ka video, saw ngut ki briew ba kynthup ia uwei u rangbah, ka kurim, ka para bad ka bahaiing, kila shah kura bad shah kynjat ha ka kynhun ki briew hapoh surok Delhi.
La ong ba kine ki kynthei kiba shah shoh kila mynsaw malu mala na kane ka jingjia.
Na ka liang ki Pulit ka Delhi kila register case halor kane ka jingjia bad ka jingthwet ia kine ki briew ba donkti, kala iaid shakhmat.
