Shillong, Nohprah 03: Ka Samla Rachel Rimeika Jyrwa ba 19 snem ka rta na Mawlai, kala ioh kup ia ka painsngiat jong ka Miss Hornbill International 2023 hapdeng ka tamasa ba shongshit bha jong ka Hornbill Festival 2023 ha Kohima, Nagaland.
Ka samla Rachel kaba dang pule BA English ha Synod College, Shillong, kala pyniap biej ia ki nongpeitkai da ka jingbhabriew bad jingstad, kaba la pynioh ia ka ym tang ka painsngiat Miss Hornbill International hynrei ban ioh ruh ia ka nam kum ka Miss Beautiful Smile bad Best Evening Gown.
Nalor kine ki khusnam, ka samla Rachel kala ioh ruh ia ka khusnam song pisa ba T. 2 lak bad T. 30,000 ha ka jinglehbha jong ka ha ki subtitles bapher bapher.
Kane ka samla kala ioh ia ka kyrdan ba-ar ne Second Runner’s Up ha ka Miss Shillong 2023 bad mynta kala pynkhreh ban iasoi ia ka contract ba shisnem bad ka Vogue Nagaland.
Ka Miss Hornbill International 2023 ka dei kaba la wan iashimbynta da ki thei bhabriew na kylleng ki bynta jong ka Ri India bad ki Rib a marjan.
