Shillong, Naiwieng 27: Ka Meghalaya Human Rights Commission (MHRC) kala aipor 15 sngi ia u Chief Secretary ka Jylla ba un aiti ia ka kaiphod ba bniah halor ka jingbym siew ia ka tulop ki hynriew ngut ki nongtrei Contract jong ka Tnad Transport.
Ka kyrwoh bala pyllait da u Secretary ka MHRC la iathuh ba ka Commission kala shim suo moto case halor ka jingbym siew ia ka tulop ki hynriew ngut ki nongtrei contract ka Tnad Transport ha South Garo Hills District.
Kat kum ki lad pathai khubor, haduh hynriew ngut ki nongtrei contract ka Tnad Transport ha South Garo Hills la kynnoh ba ki khlem siew ia ka sulop la palat 2 snem ha kaba uwei u nongtrei lei ula iap bad uba dei hok ban ioh ia ka tulop ba 20 bnai.
La ong ba ka Commission kala phah notice sha u Chief Secretary ka Sorkar Meghalaya, ba kan tohkit ia kane ka kam baroh bad ban aiti ia ka kaiphod kaba bniah sha ka Commission hapoh ka 15 sngi.
 kala aipor 15 sngi ia u Chief Secretary ka Jylla ba un aiti ia ka kaiphod ba bniah halor ka jingbym siew ia ka tulop ki hynriew ngut ki nongtrei Contract jong ka Tnad Transport.){kind=link}