Guwahati, Naiwieng 22 : Ki Pulit ka Barpeta, Assam, kila kem ia uwei u samla uba kawang da ka acid na durkhmat jong kawei ka samla lud 17 snem ha ka thain Barpeta District.
Kane ka jingjia kala jia ha ka 19 tarik Naiwieng ha ka por ba kane ka samla lud lem bad ka para ki dang wan phai iing na ka lympung book fair.
Une u briew ba kawang acid u kyrteng u Rafijul Islam bad la ong ba u dei u ba ia iaid samla bad kane ka samla lud.
Kat kum ka jingong ki Pulit, ia kane ka samla lud la kit mar mar sha Fakhruddin Ali Ahmed Medical College and Hospital ha Barpeta da ki trai shnong.
Hynrei hadien la pynkynriah noh iaka sha Gauhati Medical College & Hospital ba kan ioh ia ka jingsumar ba paka. Kane ka samla lud ka dang don hapdeng ka jingshitom kaba jur.
Ki bahaiing kila ujor daka ejahar halor kane ka jingjia bad tang hadien khyndiat por, ki pulit kila leit ban kem ia u Rafiqul Islam nala ka Iingsah kaba don ha ka shnong Bhinga.
