Agartala, Naiwieng 21: Ka Janatati Suraksha Manch (JAM), ka seng ba kyrshan da ka RSS, kala dawa ban pynduh noh ia ka jingithuh kum ki Schedule Tribe (ST) ia kito ki paid riewlum kiba la kyla niam sha ka Khristan ha Tripura.
Kane ka seng kala pynpaw ia ka jingsngewkhia halor ka jingnang bun ki paid Khristan hapoh ka Jylla Tripura.
Haba iakren bad ki nongthoh khubor, u Nongialamka JSM Santi Bikas Chakma ula ong ba ki kyrshan ia ka jingdawa ban pynlong ia ka rally ha Agartala ha ka 25 tarik Nohprah, ka sngi jong ka lehkmen Khristmas.
Ula ong ba ka jingdawa ban weng noh ia ka jingithuh ST ia kito ki paid riewlum bala kylla Khristan kam dei satia kaba dang shu sdang hynrei kaba la dawa naduh u bnai Jylliew 1967.
Une u Nongialam ka JSM haba sot ia ka khana samari ula ong ba ka jingdon jong ki briew kiba la bud ia ka niam Khristan ha Tripura kala kiew na ka 328 ngut ha u snem 1941 sha ka 1.02.489 ha u 2001 bad 1,59,882 ngut kat kum ka khana samari 2011.
“U Nongialam ba paw ka BiharKartikOrain uba la shim ia ka jingsoi kyrteng ki 235 ngut ki MP, ula aiti ia ka dorkhas sha ka Myntri Rangbah Duh barim ka Ri Indira Gandhi ba dawa ban wanrah ia ka kyndon ha ka riti synshar ka ri ban knieh noh ia ka jinglong ST ia kito ki briew kiba la kylla Khristan. Ka Parliamentary Standing Committee ruh kala kyrshan ia kane ka jingdawa” ong une u Nongialam ka JSM.
, ka seng ba kyrshan da ka RSS, kala dawa ban pynduh noh ia ka jingithuh kum ki Schedule Tribe (ST) ia kito ki paid riewlum kiba la kyla niam sha ka Khristan ha Tripura.){kind=link}