Jowai, Naiwieng 13 : Ki nongshongshnong ka shnong Moodymmai, West Jaintia Hills, kila iaid paidbah hynne ka sngi ban dawa iehnohkam ia u Waheh Shnong halor ka jingkynnoh ba u bamklop ia ka pisa jong ka Shnong.
Ki paid nongshongshnong bad kynthei bad shynrang kila iamih ryntih ban dawa ia u Bah Joseph Pariat ba un hiar shuki noh kum u Waheh Shnong.
Ki paidbah kila pyntip ba ka Dorbar Shnong Moodymmai kaba la shong jingialang ha ka 6 tarik Naiwieng, kala pynpaw ia ka jingbym don jingshaniah ruh ia u Waheh Shnong, u Secretary Shnong lem bad ki dkhot ka Executive Committee ka Shnong.
Ki paidbah kila dawa ruh ia ka JHADC ba kan pyndam noh ia ka jingithuh ia u Bah Joseph Pariat kum u Rangbah Shnong haba dawa ia u Daloi ban thung mar mar noh da u Acting Waheh Shnong ha ka Shnong tad haduh da dep pynlong ia ka elekshon ba jied Waheh Shnong ba thymmai.
