Nongpoh, Naiwieng 10:Ki Pulit ka Ri-Bhoi District kila rah ia u Nongialam Sengbhalang bad Chairman ka Joint Action Committee (JAC) ba pyrshah pynlong Cherry Blossom ha sngi U Blei namar ka jingkynnoh ba u donkti ha ki kam dawa pisa beain.
Une u Nongialam Sengbhalang u kyrteng u Baiateilang Lapang, uba dei u President ka RiBhoi Youth Organisation.
Kat kum ka khubor Pulit, ia une u nongialam sengbhalang la rah hynnin ka miet sha thanad ban tohkit halor ka jingkynnoh donkti ba u dawa pisa jubor ha ki thain Byrnihat.
La kynnoh ba une u Nongialam sengbhalang u donkti ha ki kam dawa pisa na kawei ka petrol pump ha Byrnihat.
Ki pulit kila register case ia u Lapang ha
Nongpoh PS case No. 124(11)2023 kat kum ka kyndon 384/506/34 IPC.
Katkum ka jingiathuh u Superintendent of police ka District Ri Bhoi u Giri Prasad, u la pyntip ba ki bor pulit ki la ioh ia ka jingujor pyrshah ia u tei u nongialam ka RBYO ba u la donkti ban leit dawa pisa ne umphniang petrol na kawei ka petrol pump kaba don ha ka thain Byrnihat.
U la iathuh ruh, ba dei halor kane ka jingujor ki pulit ki la register case ia u ha Nongpoh Police Station bad ki pulit ki la phah da ka 41 A notice bad la rah ia u sha thanad ban pynlong ia ka jingtohkit.
