Shillong, Naiwieng 08: Ka Joint Action Committee (JAC) jong ka NEHUTA, NEHUNSA bad NEHUSU hynne ka sngi Balang, kala byrngem ban ujor da ka mukotduma sha ka Iingkashari Meghalaya High Court pyrshah ia u Vice Chancellor (VC) ka NEHU Prof PS Shukla halor ka jingkynnoh ba ula pynkhien iaki kyndon ka UGC Model CRR (Cadre Recruitment Rules) haba thungkam ia u Rohit Prasad kum u Technical Consultant ka skulbah.
Haba kren sha ki lad pathai khubor u chairman ka JAC u Prof Lakhon Kma ula kynnoh ba u VC ka NEHU u thmu ban ialam bakla iaki samla pule bad nonghikai ka NEHU bad iaki paidbah ka jylla haba iadei bad ka jingkynnoh thungkam sop sop ia u Rohit Prasad kum u Technical Consultant.
Haba pynrem iaka jingpynksan u VC, u Prof Lakhon ula ong “Dang shen u VC haba kren sha ki lad pathai khubor ula pynksan ba ka jingthungkam ia u Rohit ka long kat kum ki kyndon ka UGC Model CRR hadien bala mynjur daka Executive Council jong ka skulbah”.
U Prof Lakhon ula kam ba katkum ki kyndon ka UGC Model CRR ka kdew shai ba ki VC jong kano kano ka skulbah kim lah ban thungkam kulmar”.
“Ki kyndon ka UGC Model CRR ki kdew shai ba lada ka skulbah ka donkam nongtrei kadei ban pyntip shaka UGC naka bynta ban mang pisa, hadien bala ioh jingmynjur naka UGC ka skulbah kadei ban pyntip paidbah lyngba ki Advertisement haki kotkhubor bad hadien kane yn sa shong ka Selection Committee ban leh iaka ba donkam kum ka Interview” la ong u Prof Lakhon.
U Prof Lakhon ula kam ba u VC u khlem bud ia kine ki kyndon bala kdew haneng hynrei ula shu pyntip beit bala thung ia u Rohit hadien ba ula shim hi iaka Interview bad al mynjur daka executive council.
“Namar ba u VC ula pynkhien iaki kyndon, ka JAC kala rai ban thoh sha President ka Ri India bad sha u Lat ka Jylla ban ujor pyrshah ia u bad haka juh ka por ka JAC kan shong ka jingialang haka 9 tarik mynta u bnai ba shim rai kumno ban iaid shakhmat ki jingiakhih bad ahka juh ka por ban iaphylliew jingmut, la ka donkam ne em ban ujor sha Meghalaya High Court pyrshah ai u VC ka NEHU” ula ong.
Pule lang ia kane: “Hap leh tyngeh ka Sorkar ia ka Dhar Kompani lada pynshisha ba shna torti ia ka surok NH-206” : Hek
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
