Shillong, Naiwieng 08: U Chairman ka Joint Action Committee (JAC) ka NEHU Prof. Lakhon Kma, ula ai ka jingmaham ba tyngeh ban thad madan ia baroh ki jingleh bymhok bad ki kam ba leh bakla da u Vice Chancellor ka NEHU Prof PS Shukhla.
Ka mat ba hakhmat eh ka dei halor ka jingthungkam ia u Rohit Prasad kum u Senior Tehnical Advisor, ka kam kaba, kat kum ka jingong u Prof. Km aka dei kaba la thung khlem da pynmih ia ka jingpynbna ba lait ka kam.
Haba iakren bad ki lad pathai khubor, u Prof Kma ula kyntait ban pdiang ia ka jingbatai jong u Vice Chancellor halor ka jingthungkam ia u Prasad, haba ong ba ka dei ka bym lah ban pynshisha bad ka bym don ki sakhi kaban long kat kum ki kyndon ka UGC.
“U (VC) lah ban pyni ia ka dur bym ipatiaw hynrei hapoh pat u tip ba ula leh bakla. Ula leh ia ka kam thungkam ba bakla, ngin sa thad madan ia baroh lehse lashai hi ka sngi” ong u Prof Kma.
U Chairman ka JAC ula ong ba ka jingdawa hi ka dang iai neh ka juh, bad ka Committee kan ym sangeh tad haduh bala weng ia u Rohit Prasad na ka kam.
Ha kajuh ka por, u Prof Kma ula pyntip ba ka JAC kala kut jingmut ban sei madan ia baroh ki kam bymhok hapoh ka skulbah, ia kiba la leh da u Vice Chancellor.
“Mynta ka kynti ngi la don ia ki jingtip kiba khlain bha, ha kato ka por ba ngi mih ban pyrshah ia u Rohit ngi tip b aka dei kaba la thungkam beain hynrei lyngba ka RTI ba ngi ioh mynta, ngi la tip lut kumno ba la thungkam ia u” pyntip u Prof. Kma.
Ka JAC kala kam ruh ba ka bor thungkam jong u Vice Chancellor ka NEHU ka dei tang ia ki Professor bad ki Associate Professor kiba long hapoh ka kyndon jong ka Statute 21 jong ka Riti Treikam ka Univeristy.
 ka NEHU Prof. Lakhon Kma, ula ai ka jingmaham ba tyngeh ban thad madan ia baroh ki jingleh bymhok bad ki kam ba leh bakla da u Vice Chancellor ka NEHU Prof PS Shukhla.){kind=link}