Shillong, Risaw 20 : U Nongialam ka National People’s Party (NPP) bad Myntri Sorkar Bah Comingone Ymbon ha ka sngi Thohdieng, ula batai lypa (predict) ba ka Voice of the People Party (VPP) kan ioh da u ‘Nod’ ha ka elekshon sha ka Iingdorbar ka Khasi Hills Autonomous District Council (KHADC) bad Jaintia Hills Autonomous District Council (JHADC).
Haba iakren bad ki nongthoh khubor, u Bah Comingone ula ong “Nga la iohi lypa ba kan (VPP) ioh da u ‘Nod’ namar ia mynta ki paidbah kila ngiah bad kim pdiang shuh ia ka VPP (ha rilum Khasi bad Jaintia)”.
“Ka daw hi nga tharai phi tip kham bha ma phi ia nga. Nga la iohi ha ki kot khubor, phi ruh phi pyrshah ia ka VPP bad ki paidbah ruh kila pyrshah ia ka VPP” ula ong.
U Bah Ymbon ula pynpaw ruh ia ka jingsngew skhem ba ka NPP kan sa wan phai biang ha ka bor ha Khasi bad Jaintia hadien ka elekshon MDC, ka ban long ha u snem ban wan.
Ula ong ba ka NPP ym tang ba kan iakhun pyrshah ia ka VPP hynrei kan iakhun ruh pyrshah ia ka UDP, Congress bad BJP ha kane ka elekshon.
“Hynrei ia kaba mynta, nga la iohi ba ki paidbah ka Jylla kila ai ka jingshaniah sha ka NPP (kaba ialam) Sorkar MDA bad nga tharai ba ha kane ka kynti ka NPP kan wan phai biang ha ka elekshon MDC” ula pynpaw.
Pule lang ia kane: Plie u MLA ia ka Health & Welness Centre ha Iawmusiang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
