Suba jur ba dei ka buit politics ban pyrshah
Shillong, Risaw 19 : U Myntri ka tnad Jngohkai ka jylla u Bah Paul Lyngdoh hynne ka sngi Palei ula ong ba ka Cherry Blossom Festival kam dei kaba pynlong naka bynta kito ki bym sngewtynnad ia ki tamasa bad ka sorkar kam shym la pynbor iano iano ruh ban wan sha ka tamasa.
Hashwa kane ka JAC Ri Bhoi, kala kwah ban iakynduh ia u Myntri ka tnad jngohkai hynrei kim shym la iohlad satia namar ka jingbunkam. Ka JAC kala dawa naka sorkar jylla ba kadei ban pynkynriah iaka tarik ban ym pynlong ia ka tamasa haka 19 tarik u Naiwieng kaba dei ka Sngi U Blei hynrei ban pynlong noh ha kawei pat ka sngi.
U Bah Paul Lyngdoh ula ong ba ka jingthmu baroh jongka cherry blossom festival ka long ba 90% kiban wan ha katei ka tamasa kin dei ki nongjngohkai kiba nabar ka jylla bad nabar ri.
“Ha ka jingshisha ba ka Ri-Bhoi District kan kiew, ngi la jied ia ka jaka ha katei ka district namar kan plie ia kiba bun ki lad ia ki paidbah ba kin lah ban die ban thied, ban buh ia ki dukan bad ki kali kamai ha kaba kin iohban kamai bha” ong u Bah Paul.
Ula ong, ba ki katto katne ki briew kiba pyrshah ba kadei ka Sngi U Blei ka sngi bakhuid, kumta yn leh kumno ia ki Seven Day Adventist hato kin pyrshah noh ba pynlong haka Sngi Saitjain kaba dei ka sngi bakhuid ka jongki bad lada pynlong haka Sngi Thohdieng, ki Muslim ruh kin pyrshah noh bad lada jan baroh ki sngi kidei kiba khuid kumno yn pyniaid ia ka jylla ha katei ka bynta.
Ula ong, ka jingeh kaba mih kadei namar ba ki don katto katne ki briew kiba sngew ba ki kham stad ma ki ban ia ki nongmihkhmat kiba la shah jied ha u paidbah.
U Bah Paul ula ong, ba kadei kabuit politik sha lyndet namar ia ki tamasa kiba la leit la pynlong ha ka Sngi U Blei ha ki por kiba la leit.
“Nga suba jur ba kane ka dei tang ka buit politik kaba don na sha lyndet bad ki don ki bor kiba pyrshang ban khanglad iaka jingkiew jong ka kam jngohkai” ong u Bah Paul.
Pule lang ia kane: Sngewskhem u Heh AICC ban jop ka Congress ia ka elekshon Lok Sabha ha Meghalaya
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
