Shillong, Risaw 18: Ka seng ki nongrep Hills Farmers Union (HFU) hynne ka sngi Balang, kala iakynduh ia u Myntri Rangbah ka Jylla Conrad K Sangma bad phah tuklar halor ka jingshah pynjulor ki mar rep bad shah pyndik ki paid nongrep kiba don ha ki thain khappud.
Haba kren sha ki lad pathai khubor u President ka HFU bah Commander Shangpliang ula iathuh ba naka por shaka por ka seng ka ioh jingtip ba ki nongrep ka Jylla kiba shong haki thain khappud ki ju shah pyndik haki bor ka sorkar Assam.
U bah Commander ula kam ruh ba dang shen kala don ka jingshah pynjulor iaki mar rep hapoh ka shnong Lapangap West Jaintia Hills hakaba haduh 60 ton eiei u Syieng ula shah pynjulor haki nongshong shnong ka Assam.
Ula iathuh ba ka jingiakynduh ia u Myntri Rangbah ka Jylla kadei ban kyntu iaka sorkar ba kan iarap ia kum kita ki nongrep kiba la shah pynjulor ki mar rep bad haka juh ka por ban iakren bad ka sorkar Assam ba kan pynthikna ba ki nongrep kim dei ban shah pyndik.
“Kum ki nongialam jong ki nongrep ngi kwah baka sorkar Jylla ban iakren bad ka sorkar Assam ban nym dei ban pyndik iaki nongrep ka Jylla haki thain khappud bad haka juh ka por ban kyrpad iaka sorkar Jylla ban iarap iaki nongrep kiba la shah pynjulor iaki mar rep” la ong u bah Commander.
Nalor kane u president ka HFU ula iathuh baka jingkynduh ia u Myntri Rangbah kadei ban iakren halor ka jingrakhe iaka sngi kyrpang ki nongrep lane ka Meghalaya Farmer Day ka ban long haka 4 tarik Nohprah 2023.
U bah Commander ula ong baka jingrakhe ia Meghalaya Farmers Day kadei ban kynmaw ba ki nongrep ki dei ki nongbsa ia ka jylla khnang ba ki paidbah kin sngewthuh bad kumjuh ba kin burom ia ki nongrep.
Pule lang ia kane: Jah rngai u Doktor ba iarap ia ki spah ngut ki lanot ha ka jingshlei um ha Sikkim
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
