Shillong, Risaw 11: Ki heh sorkar jylla naduh ki Myntri sorkar, ki heh ophisar bad ki bahaing hasem hynne ka sngi kila leit peit bad ai khublei khatduh iaka met ba sah u Dr. Manjunathan u ba dei ruh u Secretary ka tnat Animal Husbandry & Veterinary ka jylla hashuwa ban kit sha Bangalore.
Iaki bahaing u Dr. Manjunathan la wan synran bad da ka Myntri ka tnat ka koit ka khiah kong Ampareen Lyngdoh, u Myntri ka tnad Animal Husbandry & Veterinary u bah A.L Hek, u Chief Secretary ka jylla bah D.P Wahlang, bad kiwei kiwei.
Hashuwa ban rah iaka met kaba sah jong u Dr. Manjunathan sha Bangalore uba la khlad kyndit naka jingsangeh tied u klongsnam haka miet 10 tarik mynta u bnai la pynkit shwa sha Civil Hospital Shillong ban pyndep noh ia ka post mortem.
Une u Ophisar IFS ula khlad kyndit hynnin ka janmiet sngi Ba-ar hadien ka jingkem kynsan kynsan ka jingpang klongsnam. Une u heh Ophisar ula don 45 snem bad ula iehnoh shadien ia ka kurim bad ia iwei i khun iba dang 3 bnai.
