Aizawl, Risaw 11 : Ka jingryngkang diengkper jong ki MLA ka Manipur sha ka Bharatiya Janata Party kala sdang mynta ha Mizoram, ka ban leit sha ka elekshon ha ka 7 tarik Naiwieng ba kynthup ruh ia ki MLA ka Mizo National Front (MNF).
U Lamphang ka Iingdorbar Thaw Ain Lalrinliana Sailo, uba dei na ka MNF , ula iehnoh ia ka kam hynne ka sngi Balang ban iakhun noh ia ka elekshon ban wan na ka BJP.
Une u MLA ka MNF ula pynthikna ba un sa leit pyniasoh noh sha ka BJP bad un iakhun ia ka elekshon ban wan na ka ticket jong ka BJP.
Kane kala jia ruh tang hadien khyndiat sngi ba u MLA ka MNF K Beichhua, ula iehnoh ia ka kam na ka party bad pyniasoh ialade sha ka BJP.
