Guwahati, Risaw 03: Ka United Liberation Front of Asom (I) kala pyniap iala u jong u Nongialam Brigadier AZ Shironam Asom ba ju khot sin u MD Selim da kaba sdien phasi namar ka jingsuhbuit pyrshah ia ka kynhun.
Ka khubor ka iathuh ba u Shironam Asom ula shah sdien phasi ha ka 20 tarik Nailur 2023 hadien ka jingshem ba u iasuhbuit pyrshah ia ka kynhun. Ula shah kynnoh lait phew jait ha ki Ophisar bad ki shipai jongka kynhun..
Ka khubor ba iathuh ba ka Judiciary Bench ba ialam da u Micheal Asom kala shong bishar haduh 15 sngi pyrshah ia u Shironam halor ki jingkynnoh ba lait phew jait ba kynthup ia ka jingsuhbuit ban pyntroin ia ka kynhun, ka jingpyndonkam ia ka bor bala ai ha u, ka jingpyndonkam bakla ia ki tiar ialeh, ka jingpyniap beain ia ki shipai bad ka jingiasopsop bad ki bor syntiat ka Ri India nalor kiwei kiwei.
“La sdien phasi ia u ha Hakhi Camp (GMHQ) kaba don marjan ka sor Donghi. Kawei ka ehrang kynthei ruh kala shah rai pyniap hadien ka jingkubur ba kala suhbuit ban phet noh bad ba don ka jingiadei bad u Shironam” ong ka khubor.
Haba thoh hapoh ka X, uwei u Nongthoh khubor bala slem bha u Rajeev Bhattacharyya ula ong “Napdeng ki ehrang ba khatduh ka ULFA (I) bala shah hikai pyntbit ha Pakistan, ula iap ha ka 20 tarik Nailur hadien ka jingshah rai pyniap ba shet kylla ha ka camp ha Myanmar. Ula don bad nga haduh 43 sngi ha ka jingleit sha ka ktem ha Taga kaba don ha Hukwang Valley (2011). RIP”.
 kala pyniap iala u jong u Nongialam Brigadier AZ Shironam Asom ba ju khot sin u MD Selim da kaba sdien phasi namar ka jingsuhbuit pyrshah ia ka kynhun.){kind=link}