Guwahati, Risaw 03 : Ki Pulit ka Assam kila kem ia palat 800 ngut ki briew haduh ka sngi Ba-ar ha ka jingkhynraba kyrpang ban pynduh jait ia ka jingiashongkha khynnah.
Kane ka jingkhynra kala sdang naduh ka por mynstep ha kiba bun ki jaka ba kynthup ia ka Kokrajhar, Bongaigaon, Dhubri, Gossaigaon, Serfanguri, Kachugaon, Bogoribari ha Kokrajhar.
Haba thoh ha X, u Myntri Rangbah ka Assam Himanta Biswa Sarma ula ong “Ha ka jingiakhun pyrshah iaka kam shongkha khynnah, ki Pulit ka Assam kila kem ia palat 800 ngut ki briew ha ka jingkhynra ba kyrpang, kaba sdang naduh ka por mynstep. Ka jingdon ki briew ba shah kem ka lah ban nang kiew”.
In a massive crackdown against child marriage , Assam Police has arrested over 800 accused persons in a special operation which began in the early hours of dawn.
The number of arrests is likely to rise.
— Himanta Biswa Sarma (@himantabiswa) October 3, 2023
Kane ka jingkhynra kala jia tang da ki sngi hadien ba u Himanta ula pynbna ba ka Sorkar Jylla kan sdang biang ia ka jingkhynra pyrshah ia ki kam shongkha khynnah ha Assam.
Ula ong ba ki Pulit ka Assam kin kem kumba 2000-3000 ngut ki shynrang ha kine ki 10 sngi ban wan hapoh ka Jylla.
Ha u bnai Nailur, ki Pulit ka Assam kila ioh bat ia 17 tylli ki gazi thok ha ka jingkhynra bala pynlong ha kylleng ki jaka jong ka Hailakandi District ka Assam.
Ha u Rymphang jong u snem bala lah, ki Pulit ka Assam kila kemhaduh 2666 ngut halor ki kam ba iadei bad ka jingshong kha khynnah ha Assam.
