Shillong Risaw 02: Kum shi bynta ban wanrah ia ka jingkhuid jingsuba bad ban pynsngewthuh ia ki paidbah iaka jingkongsan jong ka khuid ka suba, hynne ka sngi Nyngkong, ki shipai BSF kila pynlong iaka jingrakhe iaka ‘Swachhata Hi Sewa’ Campaign”.
Ki BSF kila pynlong ia kane ka Campaign kaba ar taiew lyngba ka Swachhata Hi Seva kaba la sdang naduh ka 15 tarik Nailur haduh ka 30 tarik Nailur,2023 ban pynkhuid ia kiba bun ki jaka bad ha ka 1-2 tarik u Risaw ka BSF kala pynlong ia ka prokram kum shi bynta ban kynmaw burom bad ban rakhe iaka sngikha jong u Kpa ka Ri u Mahatma Gandhi.
Ia kane ka jingpynkhuid la pynlong hapoh phyllaw jong ka ophis ki BSF bad ki jaka paidbah kiba don marjan khnang ba kin long kiba khuid bad kiba itynnad bad ki BSF kila lum ia ki niut ki nier bad ia ki jaboh jabaiñ baroh.
Hynne ka sngi, ki BSF kila shim ia ka jingbam smai halor ka Swachhta ba la pynlong hapoh ka BSF Meghalaya Frontier kum ka jingkynmaw burom ia ka jingdap 154 snem ka lyngkhuh sngikha jongu Mahatma Gandhi.
