Guwahati, Nailur 20: Artylli ki Jylla ka thain Shatei Lam Mihngi, ka Arunachal Pradesh bad Nagaland, shen ki lah ban iaid lang ha ka jingphiah constituency thymmai.
Ka Sorkar Pdeng kala pyntip ha Ingkashari Supreme Court ba ka jingthmu ban thaw ia ka Delimitation Commission na ka bynta ka jylla Arunachal Pradesh bad ka Nagaland.
Ia kane la pyntip da u Solicitor General Tushar Mehta ha ka Iingkashari ki lai ngut ki Nongbihar bala pyniaid da u Chief Justice ka India DY Chandrachud.
Ka Iingkashari ka dang shong bishar ia ka jingkyrpad ba kwah bthah ban pynlong ia ka jingphiah constituency thymmai ha Arunachal Pradesh, Manipur bad Nagaland.
U Mehta haba mihkhmat ia ka Sorkar PDeng, ula ong ba ka jingphiah constituency ha Manipur ka lah ban ap shuwa namar kiba bun ki daw jongki kam iaumsnam ha kane ka Jylla.
