Shillong, Nailur 14: Ka Khasi Hills Autonomous District Council (KHADC) hynne ka sngi Palei, kala shim iaka rai ban pyndait noh daki kor CCTV hapoh Iewduh, kaba dei ruh ka Iew kaba heh tam hapoh ka jylla, ban wanrah iaka jingshngain jong ki nongshong iew bad ki nongwan iew.
Ia kane ka rai la shim haka jingialang jong ka Committee on Safety, Security and Cleanliness of Iewduh bala pyniaid da u CEM ka KHADC bah Pyniaid Sing Syiem haka jigndon lang EM ba khmih iaka Market ka kong Grace Mary Kharpuri, EM ba khmih iaka Development u bah Carnes Sohshang, ki nongmihkhmat naki shnong Mawkhar, Umsohsun, Mission Compound, Wahthapbru, Qualapatty, Riatsamthiah bad Wahingdoh haka jingdon lang ki nongmihkhmat naki bor district.
Haba kren sha ki lad pathai khubor hadien ka jingialang, u bah Pyniaid ula ong baka Committee kala rai ban pan pisa na ka Fifteen Finance Commission ban shna ne maramot iaki jaka leit shabar (Public Toilets), ki nala um, ki jaka iaid kjat bad ki Pipe um bala sniew ha kane ka iew.
“Ka Committee kala rai ban pyndait noh daki kor CCTV bad ki Solar Lamps ha Iewduh, ban peitngor iaki kam sniew bad haka juh ka por ban wanrah iaka jingsngew shngain jong ki nongshong iew bad kiba wan iew” ong u bah Pyniaid.
U bah Pyniaid ula iathuh ruh baka Committee kala shim iaka rai ban jurip iaki jaka ha Iewduh ban buh noh daki khyrdop ki ban peitngoria ka rung ka mih jong ki briew khnang ban tehlakam iaki kam sniew bad ka jingshah tuh ki mar na ki dukan kiba don hapoh Iewduh.
Nalor kane ka Committee kala rai ruh ban khang ia kino kino kiba sah miet hapoh Iew ban ban pynshitom ia kino kino kiba pyndonkam jaka sah miet iala ki dukan bad kiba pyndonkam iaki dukan kum ki jaka iakhalai.
Lah ban kdew hangne, u CEM barim ka KHADC Bah Titosstarwell Chyne, ha ka 30 tarik u Nailar 2022, ula plie ia ki kor CCTV bad ki kor pynsawa ha Iewduh haba buh mawnongrim ruh ban tei ia ka Iew ba thymmai ha Iewdielang ka ba lah mang haduh T. 4 klur tam.
Ha kane ka jingialang la iadonlang ka EM kaba khmih iaka Market ka Kong Grace Mary Kharpuri, u EM uba khmih iaka khaii pateng u Bah Rangkynsai Kharbuki, u EM uba khmih iaka Elaka u Bah Jambor War, u Acting Syiem ka Hima Mylliem u Ainam Manik Syiem ki myntri bad ki bakhraw jong ka Hima Mylliem.
Pule lang ia kane: Twa ka muri um ha ka surok Markasa sha Mawphanlur, kynnoh ba trei torti u Contractor
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
