Shillong, Nailur 13 : Kawei ka Khynnah skul kala lait salit na ka jingngam jyllop ha ka sngi Balang, hadien ba ka hap shapoh ka Wah kaba don ha ka Shnong Lawkhla Mawlong, kaba hap hapoh ka Mawphlang Constituency.
Kane ka Khynnah kala lait da ka jingkloi ban leit iarap ki trai Shnong kiba don marjan kane ka jaka, kiba la iohi ia ka jing shah rong kane ka khynnah ha kane ka Wah.
La ioh jingtip ba kane ka Khynnah Skul kala pyrshang ban jam sha shiliang ka Wah hynrei kala syntuid bad shah rong ha ka um.
U Sordar ka Shnong Bah Swotsharlin Marbaniang ula kyntu ia ka Sorkar Jylla ba kan pynshna noh mar mar ia ka jingkieng ha kane ka Wah khnang ba kin shngain ki nongshongshnong ha ka leit ka wan.
U pyntip ba ha ka por u MLA (L )SK Sunn, kala don ka plan bala pynkhreh ban shna ia ka jingkieng ha kane ka jaka hynrei ia kane ka jingkieng la buhteng noh hadien ba u khlad noh na kane ka pyrthei.
