Guwahati, Nailur 09: Ki Heh ka Manas National Party (MNP) kila ioh ban kem ia 5 ngut ki nongkhaii mrad na Baksa District ka Assam ha ka sngi Thohdieng bad ioh kurup ia ki reng kyndad, ki bniah hati bad ki snieh khla
Kat kum ka khubor, kine ki nongkhaii mrad khlaw ki don jingthmu ban die ia kine ki reng, ki snieh bad bniah mad sha kiwei pat ki Jylla lyngba ki middleman.
Haba iakren bad ki nongthoh khubor, u Fiels Director ka Manas National Party Rajen Choudhury ula ong ba haduh 5 ngut ki briew la ioh ban bat ha ryngkat ki dkhot met jong ki mrad bad la register case pyrshah ia ki hapoh ka Wildlife Protection Act.
U Choudhury u iathuh ba ia kine ki briew la shimti noh da ki Pulit kiba la phla ha ka jingtohkit ba ki donkti ha ka jingpyniap ia artylli ki kyndad ha Manas National Park mynta u snem. “Kila sah hapoh ka Park haduh hynriew sngi bad kila pyniap ia ki kyndad lem bad kiwei ki mrad khlaw” ula ong
Ha ka 17 tarik Nailar, ki Pulit ka Special Task Force ka Assam bad ka Wildlife Crime Control Bureau (WCCB) kila kem ia shikmie shikhun namar ka jingkhaii tuh ia ki mrad khlaw na Assam sha Meghalaya.
