Shillong, Nailar 31: Ka Karbi Students Association (KSA) bad ka Jaintia Students’ Movement (JSM) kila thaw da ka Committee ban wanrah ia ka jingsuk ha ki shnong khappud ka Khanduli, ban tem noh ia ka jingiakynad hapdeng ki paid Khasi-Pnar bad ki Karbi kiba sah ha khappud.
Kine ki artylli ki Seng kila thaw iakane ka Committee bala ai kyrteng ka ‘Students’ Committee for Peace Ititiative’ ha ka jingialang ba kila pynlong hynne ka sngi Palei ha Diphu, kaba hap hapoh Karbi Anglong District.
Kane ka dei ka sienjam bala shim ban lah wanrah ia ka jingiasuk hapdeng kine ki jaidbynriew (Khasi-Pnar bad Karbi) kiba shong bas ah ha ki jaka khappud ka West Karbi Anglong, Assam bad ruh kiba na West Jaintia Hills, Meghalaya.
Ka jingthmu jong kane ka Committee ka long ban iapynbeit ia ki ishu bapher bapher kynthup ki jingiapher jingmut, ki jing ia sngewthuh bakla, ki jingiakajia barit baria bad kiwei kiwei ki kam kiba lah ban thaw ia ka jingiakynad bad jingsngew iapher hapdeng ki Pnar bad ki Karbi kiba sah ha khappud.
Pule ruh: Kurup ki shipai BSF ia ki saree ba shongdot T. 42 lak
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
