Shillong, Nailar 29: U Adviser ka tnat pule puthi ka sorkar jylla bah H. M Shangpliang ula pynthikna ba u snem 2026 un ym dei u snem ba khatduh ban pynkut ia ka jingshakri jong ki nonghikai SSA hynrei u dei u snem baka Sorkar Pdeng ka la buh iaka jylla ban pynurlong iaki katto katne ki thong jong ka project SSA.
Haba kren sha ki lad pathai khubor u bah Shangpliang ula ong “Ki don katto katne ki nonghikai SSA bad ki riewpaidbah kiba sngew artatien ba hadien u snem 2026 baroh ki nonghikai SSA kin sa duh kam noh namar ka sorkar pdeng ka mut pynkut noh iaka project SSA hapoh Meghalaya”.
Halor kane u bah Shangpliang ula ban ba ki nonghikai SSA ne ki riewpaidbah kim dei ban khein ba u snem 2026 udei u snem ban pynkut iaka project SSA hapoh Meghalaya.
“Hoid, ka don ka jingsngewthuh bakla ba hadien u snem 2026 ki nonghikai SSA kin sa duhkam noh hynrei kam long kumta namar hadien 2026 ka sorkar pdeng kan shong bishar, haduh katno ka project SSA ka seisoh ha Meghalaya bad hadien kane ka sorkar kan a buh biang haduh katno snem ka jylla kan lah ban poi sha ka thong ban pynurlong iaki katto katne ki thong jong ka SSA” ong u bah Shangpliang.
U bah Shangpliang ula iathuh ba ka sorkar pdeng man la ki 10 snem ne 20 snem ka buh por iaki jylla ba kin poi shaka thong ban pynurlong iaka jingpyntreikam iaka project SSA bad hadien 2026 ruh ka sorkar kan leh kumjuh, katta ban ai por biang iaka Meghalaya ban pyntreikam iaka project SSA ban kyntiew iaka pule puthi hapoh ka jylla.
Pule ruh:Â Bthah ka High Court ia ka Sorkar ban tohkit bniah ia u Pulit MPS ba suba bamsap
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
