Shillong, Nailar 29: U Adviser ka tnat pule puthi ka sorkar jylla u bah H. M Shangpliang ula iathuh ba shen ka sorkar kan sa pynbna iaki dkhot jong ka Text Book Review Committee ban twad jingmut haba iadei bad ki lynnong (Syllabus) bad ka Curriculum haki kot skul.
Haba kren sha ki lad pathai khubor u bah Shangpliang ula iathuh ba ka sorkar ka thmu ruh ban kynthup lang daki kot NCERT naka bynta ban pyndonkam ha ki skul.
“Hadien bala thaw iaka State Education Commission, ka sorkar ka sngew donkam ruh ban thaw iaki committee bapher bapher kum ka Textbook Review Committee, ka ban ai jingmut ba kum kino lynnong lane syllabus donkam ban bsuh ha ki kot skul” ong u bah Shangpliang.
U bah Shangpliang ula ong ba ka sorkar ka thmu ban kynthup shibun ki lynnong lane syllabus shaphang ka History bad ka Geography jong ka Meghalaya bad kiwei kiwei de haka jingiatreilang bad ka NCERT bad ka MBOSE.
“Kum shi bynta ban pyniaryngkat bor bad kiwei ki khynnah hapoh ka ri, ka sorkar lyngba ka Textbook Review Committee ka don jingthmu ban wanrah ka jingkylla daka ba pynthymmai iaki lynnong lane ki syllabus bad ki curriculum haki kot skul hapoh ka jylla” ula ong.
U bah Shangpliang ula ong baka sorkar kan ai por iaka Textbook Review Committee ban leh iaka ba donkam bad hadien kane yn sa lah ban shim iaka rai halor ki lynnong lane ki syllabus bad ki curriculum thymmai ban pyndonkam haki skul.
Pule ruh:Â Pynthikna u Nongaibuit ka Sorkar ba ka SSA kan ym pat kut ha u 2026
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 bad ka Curriculum haki kot skul.){kind=link}