Shillong, Nailar 28: Ka Hynniewtrep Integrated Territorial Organization (HITO) West Jaiñtia Hills haka jingialam u president u samla Wanbiang Pulang hynne ka sngi kala pynlong ia ka jingtah Stickers ha man la ki dukan Hardware hapoh ka thain Jowai ba mana ban die ia ka dewbilat ba pynmih daka Topcem Cement.
Ia kane ka jingtah Stickers la pynlong kum shi bynta ban pyrshah iaka jingkynshoit ki 2 ngut ki nongtrei ka TopCem ia ki Pulit ban bom bad tied iaki paidbah ba pyrshah iaka Public Hearing ba long haka 24 tarik mynta u bnai.
Lah ban kdew ba ki Pulit ka East Jaintia Hills haka 24 tarik mynta u bnai ki hap ban siar Tear Gas bad bom daki lathi iaki paidbah kiba pyrshah iaka Public Hearing bala pynlong daka TopCem HA Lumshnong.
Naka liang u superintendent of police ka East Jaintia Hills u Jagpal Singh Dhanao ula iathuh ba mar sien sdang ka Public Hearing ki paidbah kila sdang ban pynpra iaka Pandal ba thmu ban pynlong iaka Public Hearing.
U SP ula iathuh ruh ba ki paidbah kila thmu ruh ban thang iaka Pandal hynrei kala pulom noh namar ka jingkloi ki Pulit ban tem iaka jingiakhih.
Ula iathuh ruh ba ki bor district bad ka Meghalaya State Pollution Control Board (MSPCB) kila hap ban kynriah noh iaka jaka pynlong iaka Public Hearing hynrei naka liang ki paidbah kila ther ruh daki maw iaka jaka pynlong Public Hearing.
Lah ban kdew bah aka 3 tarik mynta u bnai ki sengbhalang kila dawa naki bor district ban pynsangeh iaka Public Hearing jong ka M/s Meghalaya Cement Ltd bad M/s Green Valley Industries Ltd.
