Shillong, Nailar 27: U Myntri Rangbah ka Jylla Conrad K Sangma ula ai khublei ia u Myntri Rangbah Duh ka Ri Narendra Modi halor ka jingai jingithuh ia ki synniang jong u Bah Brian Daly Kharpran lyngba ka kam ban wad bniah shaphang ki krem ba don hapoh ka Jylla.
Haba thoh hapoh ka X (mynshwa ka twitter), u Conrad ula ong “Khublei shibun ia phi, Myntri Rangbah Duh ka Ri Narendra Modi ba ai jingithuh ia ki synniang u Bah Brian Daly Kharpran lyngba ka kam wad bniah shaphang ki krem. U Bah Brian u dei u nongwad bniah ia ki kren ba nyngkong eh ka Jylla Meghalaya bala pawnam bad ha ryngkat bad ka kynhun jong u, ka Meghalaya Adventurers’ Association kila iarap ia ki nongrung krem bad nongwad jingtip shaphang ki krem kiba wan na kylleng ki Ri ka Pyrthei”.
Thank you Hon’ble PM, Sh. @narendramodi for acknowledging the contributions of Mr. Brian Daly Kharpran to speleology. Bah Brian is Meghalaya’s first renowned Speleologist and together with his team, the Meghalaya Adventurers’ Association are assisting cavers & speleologists from… https://t.co/oj4buf944w
— Conrad K Sangma (@SangmaConrad) August 27, 2023
Ha ka episode ba 104 jong ka Mann Ki Baat hynne ka sngi U Blei, u PM Modi ula ong ba u Bah Brian D Kharpran ula trei ia kane ka kam da ki phew snem ban wad bniah bad pynpaw nam ia ki krem ka Jylla Meghalaya.
U Modi ula ong “Paralok, nga kmen eh ban pynithuh ia phi ia u Bah Brian D Kharpram na Meghalaya”.
“Ha kine ki snem bala leit, ma u ha ryngkat ka kynhun kila shem palat 1.700 tylli ki kren ha kane ka Jylla ka thain shatei lam mihngi bad la pynrung ruh ha ka ‘World Cave Map’” ong u PM bad bynrap ba ka Meghalaya ka dei ka Iing jong kiba bun ki krem ba jrong tam bad ba jylliew bha hapoh ka Ri India.
U Modi ula iaroh ruh ia u Bah Kharpran bad ia ka Kynhun halor ka jingtrei shitom ban wad jingtip ia ka jinglong jingman jong kine ki Krem.
During #MannKiBaat, talked about Mr. Brian D. Kharpran Daly, who has done decades of work on discovering and popularising caves in Meghalaya. I also urge you all to travel to Meghalaya and explore the beautiful caves yourself. pic.twitter.com/pZDX1SOFuu
— Narendra Modi (@narendramodi) August 27, 2023
U Modi ula kyntu ruh ia baroh ba kin leitkai sha Meghalaya bad ban leit rung hi dalade sha ki krem kiba itynnad kane ka Jylla.
Pule ruh: Shimti u Bah Eniasroy Rani kum u President ka Western Ri Bhoi Dorbar
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
