Imphal, Nailar 27 : Ka jingiakynad kala khie biang ha Jylla Manipur hadien ba katto katne ngut ki briew bym lah ban ithuh, kila wiang ding ia lai tylli ki Iing ha New Lambulane kaba don ha Imphal hynne ka janmiet sngi U Blei.
Kat kum ka jingiathuh ki Pulit, ki briew kila ialum ha kane ka jaka hadien kane ka jingjia bad kila dawa ba dei ban phah ia ki bor pahara ka Sorkar Jylla bad Sorkar Pdeng ba kin pahara ha kane ka shnong bad ban shah ruh ia ki ba kin rung sha ki kyndong kynshrot.
Ha kawei pat ka jingjia, katto katne ngut ki briew bym lah ban ithuh kila knieh ia ki tiar siat jong ki bor pahara kiba ap pahara ia ka iingsah jong u Director barim ka Tnad ka Koit ka Khiah K Rajo, kaba la jia hynne ka step sngi U Blei por 2 baje eiei.
Ki Pulit ki iathuh ba kane ka jingjia kala jia ha Sagolband Bijoy Govinda kaba hap hapoh ka Imphal Police Station ha Imphal West District. Kine ki tiar siat ba shah knieh ki kynthup ia artylli ki suloi AK bad kawei ka Carbine.
Ka jingtohkit mynta kala iaid shakhmat ban pynthikna ia ki daw kiba lam sha kane ka jingjia, ong ki Heh Pulit kiba iathuh b aka jingkhynra kala iaid mynta ban ioh kurup biang ia kine ki tiar siat bad ban kem ia ki briew kiba donkti.
Pule ruh: Tripura: Iakynduh u Khliehduh ka Tipra Motha ia u Amit Shah shwa ka elekshon shiteng samoi
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
