Guwahati, Nailar 27: Ha kawei ka jingjia ba pynkyndit ia baroh, ki Pulit ki pyntip ba ha ka sngi Saitjain kila lap ia uwei u khynnah 10 snem ha u tyllai phasi ha ka iingsah jong u MP ka BJP sha Lok Sabha Rajdeep Roy ha Chachar District ka Assam.
Ka khubor ka iathuh ba une u Khynnah ula bitar iala ka jong ka Kmie namar ka jingbym ailad ia u ban ialehkai ia ki jingialehkai mobile.
Une u Khynnah 10 snem uba dang pule klas 5, u dei u ba sah ha Iingsah u MP ka BJP lem bad ka Kmie bad kawei ka hynmen kynthei mynta la katto katne snem.
Iaka metiap une u khynnah la pynkit noh sha Silchar Medical College bad Hospital ban leh ia ka post mortem.
Ka longiing jong une u Khynnah ka dei kaba na Palong Ghat jong ka Cachar District bad ka Kmie kala trei bylla ha ka iing sah u MP Rajdeep Roy.
Ki Pulit ki iathuh ba namar ka jingialeh ban pynioh ia ka pule puthi kaba biang iala ki khun, kane ka Kmie kala wan ialam ia ki sha Silchar ha kine ki khyndiat snem bala leit noh.
Ki Pulit kila resgiter case halor kane ka jingjia bad kila suba jur ba une u khynnah ula dkhat jubor iala ka jingim.
Pule ruh:Â Arunachal Pradesh: Hiar leit wad ka NDRF-SDRF ia ki Nongleh niam ba iap jyllop ha Parsuram Kund
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
