Shillong, Nailar 24: Haka jingjia ba pynsyier mynsiem, 2 ngut ki briew bym lah ban ithuh durkhmat kila pyrshang ban rahbor ia iwei khynnah skul na Laitumkhrah Shillong haka por 12:30 nohphai sngi.
Naka liang ki kmie kpa kiba pyntip ia kane ka jingia, la ong ba kine 2 ngut ki briew kila wan poi ha Laitumkhrah Presbyterian Higher Secondary School ban wanshaw ia iwei khynnah Class KG daka ba kam ba ka kmie ine khynnah ka shitom jur hynrei naka liang ki nongpyniaid skul kila kyntait ban aiti ia ine khynnah sha kine ki briew bym ithuh.
Haba iadei bad kane ki nongpyniaid skul kila pyntip sha ka kmie i khynnah bad ka kmie kala pyntip ba kam shitom kumba la kam kine ki 2 ngut kiba thmu ban rahbor ia i khynnah.
Kine 2 ngut ki briew kila rung ruh shaka karma jong ka ophis Principal ban pynbor ban aiti ia i khynnah hynrei naka liang Principal ruh la pynneh.
Ki bahaïng ruh kila pyntip ba kala don ruh ka jingpyrshang ban rahbor ia iwei khynnah ba shong class VI haka por ba leit phai sha ïing hynrei ila lait noh khlem da jia eiei.
Naka liang ki Pulit kila pyntip ba ka jingthwet ia kine ki briew ka dang iaid shakhmat.
Ki Pulit kila kyntu ruh iaki skul ban long kiba husiar bad ban pynthikna shwa ia kino kino kiba wan shaw skul iaki khynnah.
La ai jingmut iaki skul ban phone shwa iaki kmie ki kpa ban pynthikna lada don kiba wan shaw bad ban iatreilang bad ki bor Pulit lane ka Police Control Room (PCR) naka bynta ban iarap halor ka jingartatien iaki ba wan shaw skul.
Pule lang ia kane: Lum ka Myntri ia ki MLA bad Ophisar ka Ri-Bhoi ban kyntiew ia ki jaka sumar bad ka rep ka riang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
