Shillong, Nailar 22: Ka Meghalaya Assembly Committee on Women Empowerment (MACWE) hynne ka sngi kala leit jurip iaka thain West Jaintia Hills District ban iathir bad ki tnat treikam sorkar bapher bapher haba iadei bad ka jinglong jingman ki Kynthei bad ki Khynnah hapoh ka district baroh kawei.
Iaka jingialang bala pynlong hapoh ka Conference Hall jong ka tnat Soil and Water Conservation ha Mihmyntdu, Jowai, la khlieh daka MLA ka kong Santa Mary Shylla haka jingdon lang kiwei ki MLA ba kynthup ka Miani D Shira, u bah Adelbert Nongrum bad u bah Mathew Beyondstar Kurbah.
Ha kane ka jingialang la donlang u Deputy Commissioner (DC) ka West Jaintia Hills u bah B. S. Sohliya, u Superintendent of Police (SP) bad u bah C. Syrti, MPS nalor kiwei kiwei de.
Ka jingialang kadei hi shaphang ki skhim bad ki lad jingiarap naka liang ka sorkar kiba long ki jingmyntoi haba iadei bad ka bha ka miat ki riew kynthei bad ki khunlung khynnah.
Nalor kane ka Committee kala bishar ruh iaki kam bala pyntrei daki tnat sorkar bapher bapher naka bynta ka jingmyntoi iaki riew kynthei hapoh ka District.
Pule ruh: Pynsangeh treikam ka ECI ia ka Electoral Roll ka Assam
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
