Shillong, Nailar 22 : Ka Myntri Sorkar Kong Ampareen Lyngdoh ha ka sngi Ba-ar, kala ong ba ka Sorkar Jylla kan leh da kaba tyngeh ha kaban tehlakam ia ki kam kaikhlaw hapoh ka Jylla.
Haba iakren bad ki nongthoh khubor, ka Kong Ampareen kala ong “Ngin ym ailad satia ia ka. Ngin leh kat kaba lah pyrshah ia kane ka kam”.
Ka Myntri kala ai khublei ruh ia ki Pulit ka Jylla halor ka jingiohkem ia ki 11 ngut ki Nongialam bad Dkhot ka National Liberation Council of Nongkyndong (NLCN) dang shen.
“Nga ai khublei ia ka Tnad Pulit kaba la leh ia kaba dei eh bad kane ka jingkem ka phah ia ka khubor kaba shai sha kiwei pat. Ngin ong em ia ki kam kaikhlaw” kala ong.
Haba kylli, ka Kong Ampareen kala ong “Ngam lah ban pyniasoh ia ka jingbym iohkam iohjam namar ka jingbym iohkam ka dei ka jingeh kaba ktah ia baroh ki Ri ka pyrthei. Phi lah ban dei ka Ri kaba roi ba par bha lane phi lah ban dei na ka Ri kaba duk bha hynrei ka jingshisha hi ka long ba phin don beit ki pateng ki ba dang wan ha ka lympung iakhun kam. Tang namar ba kam don kam, kam don nongrim ia phi ban shu kiengatiar boh”.
Pule ruh: Hiar ka MACWE sha WJH ban pynthikna ai jingiada ia ki Kynthei
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
