Nongpoh, Nailar 21: U MLA ka Jirang Constituency Bah Sosthenes Sohtun, hynne ka sngi Nyngkong, ula lukm ia ka jingialang bad ki bor khmih jong ki CHC, PHC bad Sub Centre ba don hapoh ka Constituency, ban lum jingtip halor ki jingeh bad ki jingduna kiba don ha kine ki jaka sumar ka Sorkar.
Ia kane ka jingialang la pynlong ha Byrnihat bad la wan iashimbynta da ki Doktor bad ki Nos, kiba la ioh ban batai shai hakhmat u MLA ia ki jingduna bad ki jingeh ba ki iakynduh ha ka jingai jingshakri ia u paidbah.
Ki jingeh kiba hakhmat eh bala pynpaw da kine ki nongpyniaid ia ki jaka sumar ka Sorkar ka dei ka jingbym biang ki nongtrei, ka jingbym biang ka bording elektrik, ka jingduna ha ka umbam umdih, ka mobile network bad kiwei kiwei.
Ki bor pyniaid jong kine ki jaka sumar kila pynpaw ruh ia ka jingkmen ban sakhi ia ka jinglong ba kloi jong u MLA ka thain ban tuh bniah halor ki jingeh ba ki iakynduh haba kyrmen skhem ruh ba da ka jingshimkhia jong u MLA, ka Sorkar lyngba ka Tnad ka Koit ka Khiah kan sa lah ban leh eiei na ka bynta ka bit ka biang jong baroh.
U Bah Sosthenes ula pyntip ba kane ka jinglum ia ka jingialang ka dei kaba ula leh halor ka jingiohsngew ia ki jingud jingnam jong ki bor pyniaid ia ki jaka sumar bad u paidbah. Ula ong ba kane ka dei ka sienjam kaba nyngkong ba un tip ia kiei ki jingeh bad ki jingduna bad hadien kane un sa buddien bad ka Sorkar Jylla ba kan leh eiei noh ia ki.
Pule ruh: Lum ki bor District ïa ki Khlieh Nongsynshar halor ka kam pynbeit pud ha Langpih sector
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
